ბიბლიოთეკა

ქუთაისის საერთაშორისო უნივერსიტეტის (KIU) თანამედროვე და კომფორტული ბიბლიოთეკა სრულად არის აღჭურვილი როგორც აკადემიური პროგრამებისთვის საჭირო წიგნებითა და სასწავლო მასალებით, ისე მხატვრული და სამეცნიერო ლიტერატურით. წიგნების ფონდი განახლებადია და მუდმივად ივსება პოპულარული სამეცნიერო გამოცემებით.

ბიბლიოთეკას გააჩნია მრავალფეროვანი ელექტრონული რესურსი, მათ შორის, ელექტრონული წიგნები, რომლებიც წარმოდგენილია სასწავლო სილაბუსებში. სტუდენტები სარგებლობენ მსოფლიოში ცნობილი აკადემიური ბაზებით: ScienceDirect (Elsevier), Scopus, Funding Institutional (Elsevier), Cambridge University Press, Dunke University Press, Sage Journals, Msp, The Royal Society და ა.შ. უნივერსიტეტში მოქმედებს ბიბლიოთეკათშორისი გაცვლის (ILL) სერვისიც, რაც მკითხველებს აძლევს საშუალებას, გამოიწერონ მასალები სხვა ბიბლიოთეკებიდან.

KIU-ს ბიბლიოთეკაში განთავსებულია სამკითხველო დარბაზი, საერთო სამუშაო სივრცეები, კომპიუტერები, ელექტრონული მოწყობილობები, ბეჭდვის ოთახი.

ბიბლიოთეკა მდებარეობს ქუთაისის საერთაშორისო უნივერსიტეტის აკადემიურ კორპუსში (K Block) და მუშაობს ორშაბათიდან პარასკევის ჩათვლით, 09:00 საათიდან 18:00 საათამდე.

დამატებითი ინფორმაციისთვის დაგვიკავშირდით: library@kiu.edu.ge