მიღების წინაპირობები

საქართველოს მოქალაქეებისთვის პროგრამაზე მიღების წინაპირობები

1. საერთო სამაგისტრო გამოცდა

სსიპ - ქუთაისის საერთაშორისო უნივერსიტეტის მაგისტრატურის საგანმანათლებლო პროგრამაზე „ფინანსები და ინფორმაციის მენეჯმენტი“ მიღებისთვის საქართველოს მოქალაქე აპლიკანტს ჩაბარებული უნდა ჰქონდეს საერთო სამაგისტრო გამოცდა.
ინფორმაცია სამაგისტრო პროგრამის შესახებ განთავსებულია სსიპ - გამოცდებისა და შეფასების ცენტრის საგამოცდო გზამკვლევში. 

2. შესაბამისი ბაკალავრის ხარისხი

სამაგისტრო პროგრამაზე მიღებისთვის, აპლიკანტი უნდა ფლობდეს ბაკალავრის ხარისხს შემდეგი დისციპლინებიდან:
• მენეჯმენტი 
• ფინანსები 
• ბუღალტერია 
• ეკონომიკა 
• ბიზნესი და საინფორმაციო სისტემების ინჟინერია 
• კომპიუტერული მეცნიერება 
• საინფორმაციო ტექნოლოგიები
• საინფორმაციო სისტემები 
• მათემატიკა 
• სტატისტიკა ან დაკავშირებული სწავლების სფერო 
• ფიზიკა 
• კომპიუტერული ინჟინერია 
• ელექტრონული ინჟინერია 

3. ინგლისური ენის დონე

სამაგისტრო პროგრამაზე მიღებისთვის, აპლიკანტი უნდა ფლობდეს ინგლისურ ენას არანაკლებ B2 დონეზე და წარმოადგინოს ამის დამადასტურებელი დოკუმენტაცია (წარმოსადგენი საბუთების ნუსხა იხილეთ ქვემოთ).

4. ზეპირი გამოცდა/მიღების ინტერვიუ

სამაგისტრო პროგრამაზე მიღებისთვის, აპლიკანტმა საჭიროა გაიაროს ზეპირი გამოცდა/მიღების ინტერვიუ პროგრამის ხელმძღვანელ პირებთან.

ჩარიცხვის მსურველთა დოკუმენტაციის მიღება

სსიპ - ქუთაისის საერთაშორისო უნივერსიტეტის მაგისტრატურის საგანმანათლებლო პროგრამაზე „ფინანსები და ინფორმაციის მენეჯმენტი“ ჩარიცხვის მსურველთა დოკუმენტაციის მიღება შესაძლებელი იქნება 26 ივლისიდან - 10 სექტემბრის ჩათვლით, ელექტრონულად ელ. ფოსტაზე: FIM@kiu.edu.ge

იხილეთ წარმოსადგენი დოკუმენტაციის ნუსხა:

1. განცხადება; 

2. პირადობის მოწმობის ასლი;

3. CV/რეზიუმე

4. ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დამოწმებული ასლი. (წინა წლის კურსდამთავრებულთათვის - ცნობა აკადემიური ხარისხის მინიჭების თაობაზე და ნიშნების ფურცელი);

5. ფოტოსურათი (35X45 მმ) – ელექტრონული ვერსია;

6. ინგლისური ენის ფლობის დამადასტურებელი საერთაშორისო სერტიფიკატი ან ცნობა შესაბამისი უმაღლესი საგანმანათლებლო დაწესებულებიდან ბაკალავრიატის საფეხურის ინგლისურ ენაზე გავლის შესახებ ან სსიპ - შეფასებისა და გამოცდების ეროვნული ცენტრის პროექტის - "CERTUS"-ის ფარგლებში გაცემული შესაბამისი დოკუმენტი;

7. სამოტივაციო წერილი - 1 (ერთი) გვერდი.

8. წვევამდელის სამხედრო-სააღრიცხვო მოწმობის ასლი ან სამხედრო ბილეთი (ასეთის არსებობის შემთხვევაში);

9. უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში);

ჩარიცხვის მსურველთა საყურადღებოდ

ზეპირი გამოცდა/მიღების ინტერვიუ

კანდიდატებთან ზეპირი გამოცდა/მიღების ინტერვიუ ჩატარდება 1 აგვისტოდან - 17 სექტემბრის ჩათვლით.

საპრეტენზიო განაცხადის წარდგენა

მაგისტრანტობის კანდიდატებს საპრეტენზიო განაცხადის წარდგენა შეეძლებათ 18 სექტემბრიდან 20 სექტემბრის ჩათვლით; საპრეტენზიო განაცხადები განიხილება 23 სექტემბრიდან 25 სექტემბრის ჩათვლით;

ხელშეკრულების გაფორმების ვადები

შერჩეულ კანდიდატებთან ხელშეკრულება გაფორმდება 26 სექტემბრიდან 30 სექტემბრის ჩათვლით.

დამატებითი ინფორმაციისთვის გთხოვთ, დაგვიკავშირდეთ:

ტელ.: (+995) 577 66 84 88
ელ.ფოსტა: FIM@kiu.edu.ge